NÝTT ÍSLAND

Mál Geirs Haarde hefur verið í gangi frá 2010 á hinu háa Alþingi.Alþingi tók semsé ákvörðun um að ákæra einn ráðherra af fjórum um ráðherraábygð.Það kemur auðvitað ekki á óvart að fyrir valinu var forsætisráðherrann okkar fyrrverandi þar sem hann telst vera æðsti embættismaður Íslendinga á eftir forseta.Hvað er ráðherraábyrgð ? Eftir að umræðu á Alþingi er kristaltært að sumir sem þar starfa hafa ekki hugmynd um hvað ráðherraábyrgð er.Í 1gr.laga 1963 nr 4 19 feb.Stendur:"Ráðherrar bera ábyrgð á stjórnarframkvæmdum öllum eftir því sem fyrir er mælt í stjórnarskrá og lögum þessum".Svo má túlka nokkrar greinar sem á eftir fylgja og þar er margt fróðlegt eins og t.d:"Ráðherra má krefja ábyrgðar samkvæmt því, sem nánar er fyrir mælt í lögum þessum, fyrir sérhver störf eða vanrækt starfa, er hann hefur orðið sekur um, ef málið er svo vaxið, að hann hefur annaðhvort af ásetningi eða stórkostlegu hirðuleysi farið í bága við stjórnarskrá lýðveldisins, önnur landslög eða að öðru leyti stofnað hagsmunum ríkisins í fyrirsjáanlega hættu".Samkvæmt þessu gefa rök margra sem hafa tjáð sig opinberlega um þetta mál vísbendingu um það að í grunninn vita þau lítið um það hvernig má beita þessu ákvæði.Þegar við skoðum niðurstöðu Alþingis eftir að Bjarni B kom með frávísunarkröfu sem samþykkt var að fengi efnislega meðferð þá er það nokkuð ljóst að meirihluti Alþingis vill vísa landsdómsmáli frá,þegar við horfðum á Alþingi 20 jan s.l þá gerðu margir grein fyrir atkvæði sínu.Ég heyrði engan segja að Geir hafi með ásetningi eða stórkostlegu hirðuleysi farið í bága við stjórnarskrá lýðveldisins.Þetta finnst mér vera meginatriði sem við eigum að velta fyrir okkur. Ef Geir verður kærður þá getum við átt von á því að hægt verður að kæra einhvern einstakling án nokkurar tilvísunar í stjórnarskrá Íslendinga.Viljum við það ? Vilja nýir þingmenn búa við það að hafa kært einstakling án þess að hafa brotið lög. Ég óska eftir því að góður lögfræðingur eða þingmaður bendi mér á hvaða lög Geir braut bara til þess að ég geti sæst á það að þetta sé semsagt hið nýja Ísland sem Hreyfingin,Vg og Samfylking stóðu saman að færa okkur Íslendingum. Ég ætla ekki að byrja á því af hverju það sé ekki búið að kæra menn sem virkilega brutu lög. NÝTT ÍSLAND ætlar að kæra einstakling sem byggð eru á grunni reiði og heyftar,kæran er eingöngu til þess að finna einhvern blóraböggul. Þá spyr ég aftur,getur þessi einstaklingur sem Alþingi kærði höfðað skaðabótamál hjá mannréttindardómstól þegar þessu máli verður vísað frá hjá landsdóm ?